ದೇವಿಯ ಋತುಚಕ್ರವನ್ನು ಹಬ್ಬವಾಗಿ ಆಚರಿಸುವ ಏಕೈಕ ಧಾರ್ಮಿಕ ಸ್ಥಳ ಅಸ್ಸಾಂ ಗುವಾಹಟಿಯಲ್ಲಿರುವ ಕಾಮಾಕ್ಯ ದೇವಾಲಯ

ಸತಿಯ ಯೋನಿ ಭಾಗ ಬಿದ್ದ ಸ್ಥಳವಿದು

ಈ ದೇವಾಲಯದಲ್ಲಿ ಮಹಿಳೆಯರು ಪೂಜೆ ಸಲ್ಲಿಸಿ, ತಮ್ಮ ಆಸೆಯನ್ನು ದೇವಿ ಬಳಿ ಬೇಡಿಕೊಂಡಲ್ಲಿ ಶೀಘ್ರವೇ ಆಸೆ ನೆರವೇರುತ್ತದೆ. ಈ ದೇವಾಲಯದ ಆವರಣದಲ್ಲಿ ಹೆಣ್ಣು ಮಕ್ಕಳಿಗೆ ವಿಶೇಷ ಗೌರವವನ್ನು ನೀಡಲಾಗುತ್ತದೆ. ಇದಕ್ಕೆ ಕಾರಣವೂ ಇದೆ. ಒಮ್ಮೆ ಸತಿಗೆ ಶಿವನನ್ನು ವಿವಾಹವಾಗುವ ಬಯಕೆ ಉಂಟಾಗುತ್ತದೆ. ಕಾಳಿಕಾ ಪುರಾಣದ ಪ್ರಕಾರ, ಕಾಮಾಕ್ಯ ದೇವಸ್ಥಾನದಲ್ಲಿ ಸತಿ, ಪರಮೇಶ್ವರನನ್ನು ಭೇಟಿ ಮಾಡುತ್ತಿದ್ದಳು. ಆದರೆ ಒಮ್ಮೆ ಸತಿ ಅಕಾಲಿಕ ಮರಣ ಹೊಂದಿದಾಗ ಶಿವನು ಸತಿಯ ಕಳೇಬರದೊಂದಿಗೆ ತಾಂಡವ ನೃತ್ಯ ಮಾಡುತ್ತಾನೆ. ಸತಿಯ ದೇವಿಯ ದೇಹ ಭಾಗಗಳು ಬಿದ್ದ ಸ್ಥಳಗಳು ಇಂದು ಶಕ್ತಿ ಪೀಠಗಳಾಗಿ ಪ್ರಸಿದ್ಧಿಯಾಗಿದೆ. ಸತಿಯ ಯೋನಿ ಭಾಗ ಬಿದ್ದ ಸ್ಥಳವೇ ಕಾಮಾಕ್ಯ ದೇವಿಯ ನೆಲೆಯಾಗುತ್ತದೆ. ದೇವಿ ಕಾಳಿಯೊಂದಿಗೆ ಕಾಮಾಕ್ಯದೇವಿಯನ್ನು ಹೋಲಿಸಲಾಗುತ್ತದೆ.