Latest Kannada Nation & World
ತಮಿಳುನಾಡು ತಿರುಪೋರೂರ್ ಕಂದಸ್ವಾಮಿ ದೇವಾಲಯದ ಕಾಣಿಕೆ ಹುಂಡಿಗೆ ಬಿದ್ದ ಐಫೋನ್, ಆಡಳಿತ ಮಂಡಳಿ ಹೇಳಿದ್ದು ಕೇಳಿ ಭಕ್ತ ಕಂಗಾಲು
ತಿರುಪೋರೂರ್ ಕಂದಸ್ವಾಮಿ ದೇವಾಲಯದ ಕಾಣಿಕೆ ಹುಂಡಿಗೆ ಬಿದ್ದ ಐಫೋನ್
ತಮಿಳುನಾಡಿನ ಚೆಂಗಲಪಟ್ಟು ಜಿಲ್ಲೆಯ ಕೋವಲಂ ಎಂಬ ಊರಿನಿಂದ ಸ್ವಲ್ಪ ಮುಂದೆ ಮಾಮಲ್ಲಪುರಕ್ಕೆ ಹೋಗುವ ದಾರಿ ಇದೆ. ಅಲ್ಲಿ ಪ್ರಸಿದ್ಧವಾದ ತಿರುಪೋರೂರ್ ಕಂದಸ್ವಾಮಿ ದೇವಾಲಯವಿದೆ. ಕಂದಸ್ವಾಮಿ ಅಂದರೆ ಮುರುಗ (ಸುಬ್ರಹ್ಮಣ್ಯ) ದೇವರು. ಈ ಭಾಗದಲ್ಲಿ ಮುರುಗನಿಗೆ ಬಗೆಬಗೆಯ ಪ್ರಾರ್ಥನೆ, ನೈವೇದ್ಯ ಸಲ್ಲಿಸುವುದು ವಾಡಿಕೆ. ಇದರಲ್ಲಿ ಭಕ್ತರು ತಾಳಿ, ಕಾಡಿಗೆ, ವೇಲ್, ನಾಣ್ಯ, ಕರೆನ್ಸಿ ನೋಟುಗಳನ್ನು ತಮ್ಮ ಇಚ್ಛೆಯಂತೆ ಕೈಚೀಲದಲ್ಲಿ ತುಂಬಿ ಕಾಣಿಕೆ ಸಲ್ಲಿಸುತ್ತಾರೆ. ಅದೇ ದೇವಾಲಯದಲ್ಲಿ ಭಕ್ತರೊಬ್ಬರು ಕಾಣಿಕೆ ಹಾಕಬೇಕಾದರೆ ಅವರ ಕೈಯಲ್ಲಿದ್ದ ಐಫೋನ್ ಹುಂಡಿಗೆ ಬಿದ್ದಿದೆ. ಕೂಡಲೇ ಅವರು ಆಡಳಿತ ಮಂಡಳಿಯವರನ್ನು ಸಂಪರ್ಕಿಸಿ ಮನವಿ ಮಾಡಿದ್ದರು. ಆಗ ಕಾಣಿಕೆ ಡಬ್ಬಿ ತೆರೆದು ಲೆಕ್ಕ ಮಾಡುವಾಗ ತಿಳಿಸುತ್ತೇವೆ ಬನ್ನಿ ಎಂದು ಹೇಳಿದ್ದಾಗಿ ಸ್ಥಳೀಯ ಪುದಿಯತಲಮುರೈ ಸುದ್ದಿ ಚಾನೆಲ್ ವರದಿ ಮಾಡಿದೆ.
