ಇಷ್ಟು ವರ್ಷ ನಾನು ಸಹಿಸಿಕೊಂಡಿದ್ದನ್ನು ಚುಕ್ತಾ ಮಾಡುವ ಸಮಯ ಬಂದಿದೆ, ತಾಂಡವ್‌ ಎದುರು ರೆಬೆಲ್‌ ಆದ ಭಾಗ್ಯಾ; ಭಾಗ್ಯಲಕ್ಷ್ಮೀ ಧಾರಾವಾಹಿ

ನಿನ್ನ ಜೊತೆ ಮಾತನಾಡಬೇಕು ಬಾ ಎಂದು ತಾಂಡವ್‌ ಭಾಗ್ಯಾಳನ್ನು ಬೇರೆಡೆ ಕರೆದೊಯ್ಯುತ್ತಾನೆ. ಶ್ರೇಷ್ಠಾ ಅವರನ್ನು ಹಿಂಬಾಳಿಸಲು ಹೋದಾಗ ಇನ್ಸ್‌ಪೆಕ್ಟರ್‌ ತಡೆಯುತ್ತಾರೆ. ಅವರೇನೋ ಗಂಡ ಹೆಂಡತಿ ಮಾತನಾಡಲು ಹೋಗುತ್ತಾರೆ, ನಿನಗೆ ಅಲ್ಲೇನು ಕೆಲಸ? ನೋಡೋಕೆ ಲಕ್ಷಣವಾಗಿದ್ದೀಯ, ನಿನಗೆ ಇದೆಲ್ಲಾ ಏಕೆ ಬೇಕು? ನೀನೂ ಒಂದು ಹೆಣ್ಣಾಗಿ ಇನ್ನೊಂದು ಹೆಣ್ಣಿನ ಜೀವನ ಹಾಳು ಮಾಡಲು ನಿನಗೆ ನಾಚಿಕೆ ಆಗುವುದಿಲ್ಲವೇ ಎಂದು ಕೇಳುತ್ತಾರೆ. ಅಷ್ಟರಲ್ಲಿ ಧರ್ಮರಾಜ್‌, ಕುಸುಮಾ, ಮಕ್ಕಳು, ಸುನಂದಾ, ವಿಠಲ್‌ ಮೂರ್ತಿ ಎಲ್ಲರೂ ಮನೆಗೆ ವಾಪಸ್‌ ಆಗುತ್ತಾರೆ. ಅವರು ತಾಂಡವ್‌ ಅಪ್ಪ ಅಮ್ಮ ಎಂದು ತಿಳಿದು ಪುರೋಹಿತರೂ ಕೂಡಾ ಕೋಪಗೊಳ್ಳುತ್ತಾರೆ. ಮದುವೆ ಆಗಿ ಮಕ್ಕಳು ಇರುವವನನ್ನು ಮದುವೆ ಆಗಲು ಹೊರಟಿದ್ದೀಯ , ನಾನಂತೂ ಈ ಮದುವೆ ಮಾಡುವುದಿಲ್ಲ ಎಂದು ಶ್ರೇಷ್ಠಾ ತಾಂಡವ್‌ ಇಬ್ಬರಿಗೂ ಛೀಮಾರಿ ಹಾಕಿ ಅಲ್ಲಿಂದ ಹೊರಡುತ್ತಾರೆ.