ಐಸಿಸಿ ಚಾಂಪಿಯನ್ಸ್ ಟ್ರೋಫಿ 2025 ತಾತ್ಕಾಲಿಕ ವೇಳಾಪಟ್ಟಿ ಪ್ರಕಟ; ಭಾರತ vs ಪಾಕಿಸ್ತಾನ ಪಂದ್ಯ ಯಾವಾಗ, ಎಲ್ಲಿ, ಎಷ್ಟೊತ್ತಿಗೆ?

ಬಹುನಿರೀಕ್ಷಿತ ಟೂರ್ನಿಯು ಫೆಬ್ರವರಿ 19ರಿಂದ ಪ್ರಾರಂಭವಾಗುವ ಸಾಧ್ಯತೆ ಇದ್ದು, ಆರಂಭಿಕ ಪಂದ್ಯದಲ್ಲಿ ಆತಿಥೇಯ ಪಾಕಿಸ್ತಾನ ಮತ್ತು ನ್ಯೂಜಿಲೆಂಡ್​​ ತಂಡಗಳು ಸೆಣಸಾಟ ನಡೆಸಬಹುದು ಎಂದು ವರದಿಯಾಗಿದೆ. ತಾತ್ಕಾಲಿಕ ವೇಳಾಪಟ್ಟಿ ಪ್ರಕಾರ, ಫೆಬ್ರವರಿ 19ರಿಂದ ಮಾರ್ಚ್​ 9ರ ತನಕ ಎರಡು ಸೆಮಿಫೈನಲ್, ಫೈನಲ್ ಸೇರಿ ಒಟ್ಟು 14 ಪಂದ್ಯಗಳು ನಡೆಯಲಿವೆ. ಆದರೆ ಫೈನಲ್​ಗೆ ಮೀಸಲು ದಿನವನ್ನೂ ಇಡಲಾಗಿದೆ. ಮಾರ್ಚ್​ 10 ಮೀಸಲು ದಿನವಾಗಿದೆ. ಒಂದು ವೇಳೆ ಮಳೆಯಿಂದ ಅಥವಾ ತುರ್ತು ಕಾರಣದಿಂದ ಪಂದ್ಯ ರದ್ದಾದರೆ ಈ ದಿನದಂದು ಫೈನಲ್ ನಡೆಯಲಿದೆ ಎನ್ನಲಾಗಿದೆ.