ಐಸಿಸಿ ಮೇಲಿರುವ ಕೋಪ ಭಾರತದ ವಿರುದ್ಧ ತೋರಿಸಿದರೇ ಡೇವಿಡ್ ಮಿಲ್ಲರ್? ನ್ಯೂಜಿಲೆಂಡ್ ಗೆಲ್ಲಲು ಹಾರೈಸಿದ ಶತಕವೀರ

ಐಸಿಸಿ ಚಾಂಪಿಯನ್ಸ್ ಟ್ರೋಫಿ 2025ರ ಸೆಮಿಫೈನಲ್​ನಲ್ಲಿ ನ್ಯೂಜಿಲೆಂಡ್ ವಿರುದ್ಧ 50 ರನ್​ಗಳಿಂದ ಸೋತ ನಂತರ ದಕ್ಷಿಣ ಆಫ್ರಿಕಾದ ಆಟಗಾರ ಡೇವಿಡ್ ಮಿಲ್ಲರ್ ಅವರು ಫೈನಲ್ ಪಂದ್ಯದಲ್ಲಿ ಭಾರತ ತಂಡ ಸೋಲಬೇಕೆಂದು ಪರೋಕ್ಷವಾಗಿ ಪ್ರಾರ್ಥಿಸಿದ್ದಾರೆ. ಟೂರ್ನಿಯ ಸೆಮಿಫೈನಲ್​ ವೇಳಾಪಟ್ಟಿಯ ಬಗ್ಗೆ ಐಸಿಸಿ ವಿರುದ್ಧ ಅಸಮಾಧಾನ ವ್ಯಕ್ತಪಡಿಸಿದ ಮಿಲ್ಲರ್​, ಸೆಮಿಫೈನಲ್​​ಗೂ ಮುನ್ನ ನಾವು ದುಬೈಗೆ ತೆರಳಿ ನಂತರ ಲಾಹೋರ್​ಗೆ ಮರಳಿದ್ದರ ಪರಿಣಾಮವೇ ಸೋಲಿಗೆ ಕಾರಣ ಎಂದು ಕಿಡಿಕಾರಿದ್ದಾರೆ. ಮಿಲ್ಲರ್ ಹೇಳಿಕೆಯ ಪರಮಾರ್ಥ ನೋಡಿದರೆ ಐಸಿಸಿ ಮೇಲಿರುವ ಕೋಪವನ್ನು ಭಾರತ ತಂಡದ ಮೇಲೆ ತೋರಿಸುತ್ತಿದ್ದಾರೆ ಎನ್ನುವಂತಿದೆ.