ಕೊನೆಯ ಎಸೆತದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್​ಗೆ ರೋಚಕ ಜಯ; ಶುಭಾರಂಭದ ನಿರೀಕ್ಷೆಯಲ್ಲಿದ್ದ ಮುಂಬೈ ಇಂಡಿಯನ್ಸ್​ಗೆ ನಿರಾಸೆ

ಈ ವೇಳೆ ರಣ ಚಂಡಿಯಾದ ಹರ್ಮನ್​, ಅರ್ಧಶತಕದ ಗಡಿಯಲ್ಲಿ (42 ರನ್, 22 ಎಸೆತ, 4 ಬೌಂಡರಿ, 3 ಸಿಕ್ಸರ್) ಔಟಾದರು. ಹರ್ಮನ್​ ಔಟಾದರೂ ರನ್ ಗಳಿಸುವುದರಲ್ಲಿ ಹಿಂದೆ ಬೀಳದ ನಟಾಲಿ, ಶಾಂತಚಿತ್ತದಿಂದಲೇ ಕೊನೆಯ ತನಕ ಗೋಡೆಯಂತೆ ಕ್ರೀಸ್​ನಲ್ಲೇ ಉಳಿದರು. ಇವರ ಆಟ ತಂಡದ ಮೊತ್ತವನ್ನು 200 ಮುಟ್ಟಿಸುವ ಭರವಸೆ ಮೂಡಿಸಿತ್ತು. 59 ಎಸೆತಗಳಲ್ಲಿ 13 ಬೌಂಡರಿ ಸಹಿತ ಅಜೇಯ 80 ರನ್ ಗಳಿಸಿ ತಂಡಕ್ಕೆ ಆಸರೆಯಾದರು. ಆದರೆ ಮತ್ತೊಂದು ಎಂಡ್​ನಲ್ಲಿ ಯಾರೂ ಸಾಥ್ ನೀಡದಿರುವುದು ದೊಡ್ಡ ಗುರಿ ನೀಡಲು ಸಾಧ್ಯವಾಗಲಿಲ್ಲ. ಹರ್ಮನ್​ ಬಳಿಕ ಕಣಕ್ಕಿಳಿದ 7 ಬ್ಯಾಟರ್​ಗಳು ಒಂದಂಕಿಗೆ ವಿಕೆಟ್ ಒಪ್ಪಿಸಿ ಪೆವಿಲಿಯನ್ ಪರೇಡ್ ನಡೆಸಿ ತಂಡದ ಕುಸಿತಕ್ಕೆ ಕಾರಣರಾದರು. ಅಮೆಲಿಯಾ ಕೇರ್ (9), ಜಿಂಟಿ ಮಣಿ ಕಲಿತಾ (1), ಶಬ್ನಿಮ್ ಇಸ್ಮಾಯಿಲ್ (0), ಸಜೀವನ್ ಸಜನಾ (1), ಅಮನ್​ಜೋತ್ ಕೌರ್ (7), ಸಂಸ್ಕೃತಿ ಗುಪ್ತಾ (2) ನಿರಾಸೆ ಮೂಡಿಸಿದರು. ಕೊನೆಯ 9 ಓವರ್​​ಗಳಲ್ಲಿ ರನ್ ಬೌಲರ್​ಗಳು ಮುಂಬೈ ಮೇಲೆ ಹಿಡಿತ ಸಾಧಿಸಿದರು.