ಕೌನ್ ಬನೇಗಾ ಕರೋಡ್‌ಪತಿಯಲ್ಲಿ 50 ಲಕ್ಷ ಗೆದ್ದ ಬಾಗಲಕೋಟೆ ಯುವಕ; ಅಮಿತಾಬ್ ಬಚ್ಚನ್ ಎದುರು ಹಾಟ್ ಸೀಟ್ ನಲ್ಲಿ ಕುಳಿತು ರಮ್ಜಾನ್ ಸಾಧನೆ

ಜೀವನದಲ್ಲಿ ಇಷ್ಟು ದೊಡ್ಡ ಮೊತ್ತದ ಚೆಕ್ ನೋಡಿರಲಿಲ್ಲ ಎಂದು ರಮ್ಜಾನ್ ಪ್ರತಿಕ್ರಿಯಿಸಿದ್ದಾನೆ. ಬಾಲ್ಯದಿಂದಲೂ ಕ್ವಿಜ್ ನಲ್ಲಿ ಆಸಕ್ತಿ ಇದ್ದ ಯುವಕ. ಪದವಿ ಓದುವಾಗ ಕೆಎಲ್ ಇ ಕಾಲೇಜಿನ‌ ಗ್ರಂಥಾಲಯ ಬಳಕೆ ತನಗೆ ಹೆಚ್ಚು ಅನುಕೂಲ ಆಯ್ತು. ದಿನಪತ್ರಿಕೆಗಳು, ನೊಬೈಲ್ ನಲ್ಲಿ ನಿತ್ಯ ರಾಷ್ಟ್ರ, ಅಂತಾರಾಷ್ಟ್ರೀಯ ಬೆಳಗವಣಿಗೆ ಗಮನಸುತ್ತಿದ್ದ ರಮ್ಜಾನ್, 5ನೇ ತರಗತಿ ಇದ್ದಾಗಲೇ ಕೌನ್ ಬನೇಗಾ ಕರೋಡ ಪತಿ ಬಗ್ಗೆ ಆಸಕ್ತಿ ಬೆಳೆಸಿಕೊಂಡಿದ್ದ. ಒಟ್ಟು 8 ಸಲ ಕೆಬಿಸಿಗೆ ಸಂದರ್ಶನ ನೀಡಿದ್ದ. ಮೂರನೇ ಪ್ರಯತ್ನದಲ್ಲಿ ಹಾಟ್ ಸೀಟ್ ನಲ್ಲಿ ಕೂಡುವ ಅವಕಾಶ ಗಿಟ್ಟಿಸಿಕೊಂಡಿದ್ದ, ಇದೀಗ 50 ಲಕ್ಷ ಗೆದ್ದು ಎಲ್ಲರ ಗಮನ ಸೆಳೆದಿದ್ದಾನೆ.