ಜ 5 ಕ್ಕೆ ಕರ್ನಾಟಕದ ಪ್ರಸಿದ್ಧ ನಾಗಕ್ಷೇತ್ರ ಘಾಟಿ ಸುಬ್ರಹ್ಮಣ್ಯ ರಥೋತ್ಸವ, ದನಗಳ ಜಾತ್ರೆ ಆರಂಭ: ಪ್ರತಿದಿನ ಭರ್ಜರಿ ಜನಸಂದಣಿ

ಕಳೆದ ಬಾರಿಗಿಂತ ಈ ಬಾರಿ ಹೆಚ್ಚಿನ ಸಂಖ್ಯೆಯಲ್ಲಿ ರಾಸುಗಳು ಆಗಮಿಸುವ ಕಾರಣ ವ್ಯಾಪಾರ ವಹಿವಾಟು ಕೂಡಾ ಚೆನ್ನಾಗಿರಲಿದೆ ಎನ್ನಲಾಗುತ್ತಿದೆ. ರಾಸುಗಳು ಮಲಗಲು ಹಾಗೂ ರೈತರಿಗೆ ಉಳಿದುಕೊಳ್ಳಲು ಹಾಗೂ ಊಟದ ವ್ಯವಸ್ಥೆ ಮಾಡಲಾಗಿದೆ. ಕೋಲಾರ, ಮುಳಬಾಗಿಲು, ದೇವನಹಳ್ಳಿ, ಹೊಸಕೋಟೆ ಹಾಗೂ ಸುತ್ತಮುತ್ತಲಿನ ರೈತರು ಲಕ್ಷಾಂತರ ರೂ ಬೆಲೆ ಬಾಳುವ ಹೋರಿಗಳನ್ನು ಸಾಕಿ ಜಾತ್ರೆಗೆ ಮಂಗಳವಾದ್ಯಗಳೊಂದಿಗೆ ಕರೆತರುವ ಸಂಪ್ರದಾಯ ಕೂಡಾ ಇದೆ. ಕಳೆದ ವರ್ಷ ಜೋಡಿ ಎತ್ತು 1.50 ಲಕ್ಷ ರೂಗೆ ಮಾರಾಟವಾಗಿದ್ದು ವಿಶೇಷ. ಜಾತ್ರೆಯಲ್ಲಿ ರಾಸುಗಳನ್ನು ಖರೀದಿಸಲು ಕರ್ನಾಟಕ ಮಾತ್ರವಲ್ಲ ನೆರೆಯ ಆಂಧ್ರ, ತೆಲಂಗಾಣ, ತಮಿಳುನಾಡಿನಿಂದ ಕೂಡಾ ರೈತರು ಆಗಮಿಸುತ್ತಾರೆ. ಜನವರಿ 5ಕ್ಕೆ ರಥೋತ್ಸವ ನಡೆಯಲಿದ್ದು ಆ ದಿನ ಕೂಡಾ ಭಕ್ತರು ದೂರದ ಊರುಗಳಿಂದ ಆಗಮಿಸುತ್ತಾರೆ.