ದಳಪತಿ ವಿಜಯ್‌ ವೃತ್ತಿ ಬದುಕಿನ ಕೊನೇ ಚಿತ್ರಕ್ಕೆ ಪಡೆದ ಸಂಭಾವನೆ ಎಷ್ಟು, ರೆಮ್ಯೂನರೇಷನ್‌ ವಿಚಾರದಲ್ಲಿ ರಜನಿಯನ್ನೂ ಮೀರಿಸಿದ್ರಾ?

ವಿಜಯ್ ಅವರ ಅಂತಿಮ ಚಿತ್ರವಾದ ದಳಪತಿ 69 ರ ಸುತ್ತ ನಿರೀಕ್ಷೆಗಳು ಹೆಚ್ಚಾಗಿದೆ. ವಿಜಯ್ ದಳಪತಿ 69 ಗಾಗಿ ರೆಕಾರ್ಡ್ ಬ್ರೇಕಿಂಗ್ ಸಂಭಾವನೆ ಪಡೆದಿದ್ದಾರೆ ಎನ್ನಲಾಗುತ್ತಿದೆ. ಬಾಲಿವುಡ್ ಮಾತ್ರವಲ್ಲದೆ, ವಿಜಯ್ ಹಾಲಿವುಡ್ ನಟ ರಾಬರ್ಟ್ ಡೌನಿ ಜೂನಿಯರ್ ಅವರ ಸಂಭಾವನೆಗಿಂತಲೂ ಅಧಿಕ ಸಂಭಾವನೆ ಪಡೆದವರಾಗುತ್ತಾರೆ. ವಿಜಯ್ ತಮ್ಮ ರಾಜಕೀಯ ಮಹತ್ವಾಕಾಂಕ್ಷೆಯನ್ನು ಮುಂದುವರಿಸಲು ತಮ್ಮ ಚಲನಚಿತ್ರ ವೃತ್ತಿಜೀವನವನ್ನು ತ್ಯಜಿಸಲು ಸಿದ್ಧರಾಗಿದ್ದಾರೆ. ಅವರ ಅಂತಿಮ ಚಿತ್ರಕ್ಕಾಗಿ, ಬೆಂಗಳೂರು ಮೂಲದ ವಿತರಣಾ ಸಂಸ್ಥೆ ಕೆವಿಎನ್ ಪ್ರೊಡಕ್ಷನ್ಸ್ ರೆಡಿಯಾಗಿದೆ.