ನಮ್ಮಿಂದ ಸಂಬಳ ತಗೊಂಡ್ ನಮಗೇ ಹೇಳ್ತೀರಾ; ಭಾರತ ತಂಡವನ್ನು ಟೀಕಿಸಿದರಿಗೆ ಬೆಂಡೆತ್ತಿದ ಸುನಿಲ್ ಗವಾಸ್ಕರ್

ಟೀಕಿಸಿದವರಿಗೆ ಹಿಗ್ಗಾಮುಗ್ಗಾ ಜಾಡಿಸಿದ ಸುನಿಲ್ ಗವಾಸ್ಕರ್

ಇಂಡಿಯಾ ಟುಡೇ ಜೊತೆ ಮಾತನಾಡಿದ ಸುನಿಲ್ ಗವಾಸ್ಕರ್, ‘ಈ ಬಗ್ಗೆ ಬಾಯಿಗೆ ಬಂದಂತೆ ಪ್ರತಿಕ್ರಿಯಿಸುವುದು ಸೂಕ್ತವಲ್ಲ. ಪಿಚ್​ಗಳು ಭಾರತದ ನಿಯಂತ್ರಣದಲ್ಲಿಲ್ಲದ ಕಾರಣ ಮತ್ತು ಪಂದ್ಯಗಳ ಸಮಯದಲ್ಲಿ ಪ್ರಯಾಣ ಸಾಮಾನ್ಯವಾಗಿರುವುದರಿಂದ ಇದು ಯಾವುದೇ ಪ್ರಯೋಜನಕ್ಕೆ ಬರುವುದಿಲ್ಲ’ ಎಂದು ತಿಳಿಸಿದ್ದಾರೆ. ‘ಗುಣಮಟ್ಟ, ಆದಾಯ, ಪ್ರತಿಭೆ ಮತ್ತು ಎಲ್ಲಕ್ಕಿಂತ ಮುಖ್ಯವಾಗಿ ಗಳಿಸಿದ ಆದಾಯದಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್​ನ ವಿಷಯದಲ್ಲಿ ಭಾರತ ಎಲ್ಲಿದೆ ಎಂದು ಅವರಿಗೆ ಅರ್ಥವಾಗುವುದಿಲ್ಲ. ದೂರದರ್ಶನ ಹಕ್ಕುಗಳು ಮತ್ತು ಮಾಧ್ಯಮ ಹಕ್ಕುಗಳ ಮೂಲಕ ಜಾಗತಿಕ ಕ್ರಿಕೆಟ್​​ಗೆ ಭಾರತದ ಕೊಡುಗೆ ದೊಡ್ಡ ಪಾತ್ರ ವಹಿಸುತ್ತದೆ. ಭಾರತವು ಕ್ರಿಕೆಟ್ ಜಗತ್ತಿಗೆ ಏನು ಕೊಡುಗೆ ನೀಡುತ್ತಿದೆಯೋ ಅದರಿಂದ ಅವರಿಗೆ ಸಂಬಳವೂ ಬರುತ್ತಿದೆ ಎಂಬುದು ನೆನಪಿರಲಿ. ಇದನ್ನು ಅವರು ಅರ್ಥಮಾಡಿಕೊಳ್ಳುವುದು ಉತ್ತಮ’ ಎಂದಿದ್ದಾರೆ.