ಪುಟ್ಟಕ್ಕನ ಮಕ್ಕಳು ಧಾರಾವಾಹಿ ನಟಿ ರಮ್ಯಾ ರಾಜು ಸಂದರ್ಶನ

ರಮ್ಯಾ ತಂದೆ ಉದ್ಯೋಗ ಏನಾಗಿತ್ತು?

ರಮ್ಯಾ ತಂದೆ ಶೆಫ್‌ ಆಗಿ ಕೆಲಸ ಮಾಡುತ್ತಿದ್ದರಂತೆ. ಅಷ್ಟೇ ಅಲ್ಲದೆ ಇವೆಂಟ್‌ಗಳು, ಸಮಾರಂಭಗಳಿಗೂ ಅಡುಗೆ ಮಾಡುತ್ತಿದ್ದರು. ಅವರದ್ದೇ ಆದ ಹೋಟೆಲ್‌ ಕೂಡ ಇತ್ತು. ಸಂಬಂಧಿಕರ ಮನೆಯಲ್ಲಿ ಕರೆಂಟ್‌ ಶಾಕ್‌ ತಗುಲಿ ರಮ್ಯಾ ತಂದೆ ತೀರಿಕೊಂಡರು. ರಮ್ಯಾಗೆ ಅಕ್ಕ ಇದ್ದು, ಮದುವೆಯಾಗಿ ಮಗು ಕೂಡ ಇದೆ. ಅಷ್ಟೇ ಅಲ್ಲದೆ ಅವರು ಟೀಚರ್‌ ಆಗಿ ಕೆಲಸ ಮಾಡುತ್ತಿದ್ದಾರೆ. ರಮ್ಯಾ ರಾಜು ಅವರು 2016 ರಲ್ಲಿ ನಟಿಯಾಗಿ ಕನ್ನಡ ಕಿರುತೆರೆಗೆ ಕಾಲಿಟ್ಟರು. ʼಓಂ ಶಕ್ತಿ ಓಂ ಶಾಂತಿʼ, ʼಗೀತಾʼ, ʼಕೆಂಡಸಂಪಿಗೆʼ, ʼಮನಸಾರೆʼ ಧಾರಾವಾಹಿಗಳಲ್ಲಿ ರಮ್ಯಾ ನಟಿಸಿದ್ದರು. ʼಓಂ ಶಕ್ತಿ ಓಂ ಶಾಂತಿʼ ಧಾರಾವಾಹಿಯಲ್ಲಿ ರಮ್ಯಾ ರಾಜು ಅವರು ಲೀಡ್‌ ಆಗಿ ನಟಿಸಿದ್ದರು, ಕಾರಣಾಂತರಗಳಿಂದ ಪಾತ್ರಕ್ಕೆ ಬೇರೆಯವರ ಆಗಮನವಾಯಿತಂತೆ. ಇನ್ನು ರಮ್ಯಾ ಅವರು ಅತಿ ಹೆಚ್ಚು ವಿಲನ್‌ ಪಾತ್ರಗಳಲ್ಲಿಯೇ ಹೆಚ್ಚಾಗಿ ನಟಿಸಿದ್ದಾರಂತೆ. ರಮ್ಯಾಗೆ ಇನ್ನಷ್ಟು ಒಳ್ಳೆಯ ಪಾತ್ರಗಳಲ್ಲಿ ನಟಿಸುವ ಆಸೆ ಇದೆಯಂತೆ, ವಿಲನ್‌ ಪಾತ್ರದಿಂದ ಹೊರಬಂದು ಪಾಸಿಟಿವ್‌ ಆಗಿರುವ ಪಾತ್ರಗಳಿಗೋಸ್ಕರ ರಮ್ಯಾ ಕಾಯುತ್ತಿದ್ದಾರಂತೆ.