ಭಾರತದ ಷೇರುಪೇಟೆಗೆ ಇಂದು ಶನಿವಾರ ರಜೆ ಇಲ್ಲ; ಬಜೆಟ್‌ ದಿನ ಸೆನ್ಸೆಕ್ಸ್‌, ನಿಫ್ಟಿಯಲ್ಲಿ ಷೇರುಗಳ ತಕಧಿಮಿತ

ಕೇಂದ್ರ ಬಜೆಟ್‌ 2025ರ ದಿನ ಭಾರತೀಯ ಷೇರುಪೇಟೆ ತೆರೆಯುವುದೇ? ತೆರೆಯುವುದಿಲ್ಲವೇ? ಎಂಬ ಗೊಂದಲದಲ್ಲಿದ್ದ ಷೇರು ಹೂಡಿಕೆದಾರರಿಗೆ ಖುಷಿಯಾಗಿದೆ. ಏಕೆಂದರೆ, ಸೆನ್ಸೆಕ್ಸ್‌ ಮತ್ತು ನಿಫ್ಟಿ ಇಂದು ಶನಿವಾರವಾದರೂ ಬಾಗಿಲು ತೆರೆದಿದೆ. ಫೆಬ್ರವರಿ 1ರಂದು ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್‌ ಬಜೆಟ್‌ ಮಂಡಿಸಲಿದ್ದಾರೆ. ಈ ಸಮಯದಲ್ಲಿ ಷೇರುಪೇಟೆ ತೆರೆಯಲಿದೆ. ಎನ್‌ಎಸ್‌ಇ, ಬಿಎಸ್‌ಇ ಈ ರೀತಿ ಶನಿವಾರವೂ ಬಾಗಿಲು ತೆರೆಯುವುದು ಇದು ಮೂರನೇ ಬಾರಿ. ಷೇರುಪೇಟೆಯ ಘೋಷಣೆಗಳಿಗೆ ತಕ್ಕಂತೆ ಷೇರುದಾರರು ತಮ್ಮ ಇಷ್ಟದ ಷೇರುಗಳಿಗೆ, ತಮ್ಮ ನೆಚ್ಚಿನ ವಲಯಗಳಿಗೆ ಹೂಡಿಕೆ ಮಾಡಬಹುದಾಗಿದೆ. ಭಾರತೀಯ ಷೇರುಪೇಟೆ ಬೆಳಗ್ಗೆ 9.15ರಿಂದ ಸಂಜೆ 3.30ರವರೆಗೆ ತೆರೆದಿರಲಿದೆ. ಕಮಾಡಿಟಿ ಮಾರುಕಟ್ಟೆಯು ಸಂಜೆ 5 ಗಂಟೆಯವರೆಗೆ ತೆರೆದಿರಲಿದೆ.