ಭಾರತೀಯ ರೈಲ್ವೆ ಹಳಿಗಳ ನಡುವೆ ಅಂತರ ಎಷ್ಟಿರುತ್ತೆ; ಬ್ರಾಡ್ ಗೇಜ್, ಮೀಟರ್ ಗೇಜ್, ನ್ಯಾರೋ ಗೇಜ್ ಎಂದರೇನು?

ಸ್ಟ್ಯಾಂಡರ್ಡ್ ಗೇಜ್

ಈ ರೈಲ್ವೇ ಗೇಜ್‌ನಲ್ಲಿ ಎರಡು ಹಳಿಗಳ ನಡುವಿನ ಅಂತರವು 1435 ಮಿಲಿ ಮೀಟರ್​ ಅಂದರೆ 4 ಅಡಿ 8½ ಇಂಚು ಆಗಿದೆ. ಭಾರತದಲ್ಲಿ, ಸ್ಟ್ಯಾಂಡರ್ಡ್ ಗೇಜ್ ಅನ್ನು ಮೆಟ್ರೋ, ಮೊನೊರೈಲ್ ಮತ್ತು ಟ್ರಾಮ್​​ನಂತಹ ನಗರ ರೈಲು ಸಾರಿಗೆ ವ್ಯವಸ್ಥೆಗಳಿಗೆ ಮಾತ್ರ ಬಳಸಲಾಗುತ್ತದೆ. 2010 ರವರೆಗೆ ಭಾರತದಲ್ಲಿನ ಏಕೈಕ ಸ್ಟ್ಯಾಂಡರ್ಡ್ ಗೇಜ್ ಲೈನ್ ಕೋಲ್ಕತ್ತಾ (ಕಲ್ಕತ್ತಾ) ಟ್ರಾಮ್ ಸಾರಿಗೆ ವ್ಯವಸ್ಥೆಯಾಗಿತ್ತು. ಭಾರತೀಯ ಗೇಜ್‌ಗೆ ಹೋಲಿಸಿದರೆ ಸ್ಟ್ಯಾಂಡರ್ಡ್ ಗೇಜ್‌ಗೆ ರೋಲಿಂಗ್ ಸ್ಟಾಕ್ ಪಡೆಯುವುದು ಸುಲಭವಾದ ಕಾರಣ ನಗರ ಪ್ರದೇಶಗಳಲ್ಲಿ ಬರುವ ಎಲ್ಲಾ ಮೆಟ್ರೋ ಮಾರ್ಗಗಳನ್ನು ಸ್ಟ್ಯಾಂಡರ್ಡ್ ಗೇಜ್‌ನಲ್ಲಿ ಮಾತ್ರ ಮಾಡಲಾಗುತ್ತದೆ. 2016ರ ವೇಳೆಗೆ ದೆಹಲಿ ಮೆಟ್ರೋ, ರಾಪಿಡ್ ಮೆಟ್ರೋ ರೈಲು ಗುರ್ಗಾಂವ್, ಬೆಂಗಳೂರು ಮೆಟ್ರೋ ಮತ್ತು ಮುಂಬೈ ಮೆಟ್ರೋ ಕಾರ್ಯಾಚರಣೆಯಲ್ಲಿವೆ. ಇವು ಭಾರತೀಯ ರೈಲ್ವೆಗೆ ಒಳಪಡುವುದಿಲ್ಲ.