ವಿವಾದಾತ್ಮಕ ತೀರ್ಪಿಗೆ ಯಶಸ್ವಿ ಜೈಸ್ವಾಲ್ ಔಟ್; ಮೆಲ್ಬೋರ್ನ್ ಟೆಸ್ಟ್​ ಗೆಲ್ಲಲು ಆಸೀಸ್​ಗೆ ನೆರವಾದರೇ ಅಂಪೈರ್?

ಮತ್ತೊಂದೆಡೆ ಸತತ ವಿಕೆಟ್ ಪತನವಾಗುತ್ತಿದ್ದರೂ ಮತ್ತೊಂದು ಎಂಡ್​ನಲ್ಲಿ ಬಂಡೆಗಲ್ಲಿನಂತೆ ನಿಂತು ವಾರಿಯರ್​ನಂತೆ ಹೋರಾಡಿದ ಜೈಸ್ವಾಲ್ ಸತತ 2ನೇ ಅರ್ಧಶತಕ ಸಿಡಿಸಿದರು. ಅಲ್ಲದೆ, ತಂಡವನ್ನು ರಕ್ಷಿಸುವ ಕಾರ್ಯದ ಜೊತೆಗೆ ಸೆಂಚುರಿಯತ್ತಲೂ ಮುನ್ನುಗ್ಗಿದರು. ಆದರೆ 208 ಎಸೆತಗಳಲ್ಲಿ 8 ಬೌಂಡರಿ ಸಹಿತ 84 ರನ್ ಬಾರಿಸಿದ್ದ ಎಡಗೈ ಆಟಗಾರ ವಿವಾದಾತ್ಮಕ ತೀರ್ಪಿಗೆ ಬಲಿಯಾದರು. ಪ್ಯಾಟ್ ಕಮಿನ್ಸ್​ ಎಸೆದ 71ನೇ ಓವರ್​ನ 5ನೇ ಎಸೆತದಲ್ಲಿ ಪುಲ್ ಮಾಡಲು ಯತ್ನಿಸಿದರು. ಆದರೆ ಚೆಂಡು ಬ್ಯಾಟ್ ತಪ್ಪಿಸಿ ವಿಕೆಟ್ ಕೀಪರ್​ ಕೈ ಸೇರಿತು. ಈ ವೇಳೆ ಆಸೀಸ್ ಆಟಗಾರರು, ಅಂಪೈರ್​ಗೆ ಬಲವಾದ ಮನವಿ ಸಲ್ಲಿಸಿದರು. ಆದರೆ ಮೈದಾನದ ಅಂಪೈರ್​​ ನಾಟ್​ಔಟ್ ಎಂದು ತೀರ್ಪು ಕೊಟ್ಟರು. ಹೀಗಾಗಿ, ತಂಡದ ಆಟಗಾರರೊಂದಿಗೆ ಚರ್ಚಿಸಿದ ಕಮಿನ್ಸ್, ಆನ್​ಫೀಲ್ಡ್​ ಅಂಪೈರ್​ ತೀರ್ಪಿಗೆ ಮೂರನೇ ಅಂಪೈರ್​ಗೆ ಮೇಲ್ಮನವಿ ಸಲ್ಲಿಸಿದರು.