ವೈವಾಹಿಕ ಹಕ್ಕು ಪಾಲಿಸದೇ ಇದ್ದರೂ ಪತ್ನಿಗೆ ಜೀವನಾಂಶ ಕೊಡುವುದು ಪತಿಯ ಹೊಣೆಗಾರಿಕೆ; ಸುಪ್ರೀಂ ಕೋರ್ಟ್ ಮಹತ್ವದ ತೀರ್ಪು

ವೈವಾಹಿಕ ಹಕ್ಕು ಪಾಲಿಸದೇ ಇದ್ದರೂ ಪತ್ನಿಗೆ ಜೀವನಾಂಶ; ಏನಿದು ಕೇಸ್‌?

ಛತ್ತೀಸ್‌ಗಢದ ದಿನೇಶ್ (ಪತಿ) ಮತ್ತು ರೀನಾ (ಪತ್ನಿ) ದಂಪತಿಯ ಕೇಸ್ ಇದು. ದಿನೇಶ್ ಮತ್ತು ಮನೆಯವರ ನಡವಳಿಕೆ ಕಾರಣ, ರೀನಾ ತುಂಬಾ ನೊಂದುಕೊಂಡಿದ್ದರು. ಆಕೆಗೆ ಗರ್ಭಪಾತವೂ ಆಗಿತ್ತು. ಇದರ ಪರಿಣಾಮವಾಗಿ ಆಕೆ ಪತಿಯ ಮನೆಗೆ ಹೋಗಲು ನಿರಾಕರಿಸಿದ್ದರು. ಆದಾಗ್ಯೂ, ರೀನಾ ವಿರುದ್ಧ ವೈವಾಹಿಕ ಹಕ್ಕು ಸ್ಥಾಪನೆಗಾಗಿ ದಿನೇಶ್ ದಾವೆ ಹೂಡುತ್ತಾರೆ. ದಿನೇಶ್ ಪರವಾಗಿ ತೀರ್ಪು ಬರುತ್ತದೆ. ಆದಾಗ್ಯೂ, ಆ ತೀರ್ಪನ್ನು ಅನುಸರಿಸಲು ರೀನಾ ಒಪ್ಪಿಕೊಳ್ಳುವುದಿಲ್ಲ. ಜೀವನಾಂಶ ಕೋರಿ ದಾವೆ ಹೂಡುತ್ತಾರೆ. ಈ ದಾವೆಯಲ್ಲಿ ರೀನಾ ವಾದಿಯಾಗಿದ್ದು, ದಿನೇಶ್ ಪ್ರತಿವಾದಿ. ಅದರ ವಿಚಾರಣೆ ವೇಳೆ ರೀನಾ ನ್ಯಾಯಾಲಯದ ತೀರ್ಪು ಅನುಸರಿಸಿಲ್ಲ ಎಂಬ ಅಂಶದ ಉಲ್ಲೇಖವಾಗುತ್ತದೆ.