Latest Kannada Nation & World
ಸತತ ಸೋಲುಗಳಿಂದ ಕಂಗೆಟ್ಟ ವಿಜಯ್‌ ಆಂಟೋನಿ; ಸೆ.27ರಂದು ತೆರೆಕಂಡ ಹಿಟ್ಲರ್‌ ಸಿನಿಮಾ ಒಟಿಟಿ ಎಂಟ್ರಿ, ಯಾವ ಪ್ಲಾಟ್‌ಫಾರ್ಮ್‌?
ದೇವರ ಸಿನಿಮಾಗಾಗಿ ಹಿಂದೆ ಸರಿದ ಹಿಟ್ಲರ್‌ ತೆಲುಗು ವರ್ಷನ್‌
ಹಿಟ್ಲರ್‌ ಸಿನಿಮಾ ತಮಿಳು ಹಾಗೂ ತೆಲುಗು ಭಾಷೆಗಳಲ್ಲಿ ಸ್ಟ್ರೀಮ್‌ ಆಗಲಿದೆ. ಈ ಚಿತ್ರದಲ್ಲಿ ವಿಜಯ್‌ ಆಂಟೋನಿ ಜೋಡಿಯಾಗಿ ರಿಯಾ ಸುಮನ್‌ ನಟಿಸಿದ್ದಾರೆ. ಜೊತೆಗೆ ಗೌತಮ್‌ ವಾಸುದೇವ್‌ ಮೆನನ್‌, ಚರಣ್‌ ರಾಜ್‌ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಈ ಸಿನಿಮಾ ಖ್ಯಾತ ನಿರ್ದೇಶಕ ಮಣಿರತ್ನಂ ಅವರ ಸ್ಟೂಡೆಂಟ್‌ ಧನ, ನಿರ್ದೇಶನ ಮಾಡಿದ್ದಾರೆ. ಹಿಟ್ಲರ್‌ ತಮಿಳು ಸಿನಿಮಾ ಸೆಪ್ಟೆಂಬರ್‌ 27 ರಂದು ಥಿಯೇಟರ್‌ಗಳಲ್ಲಿ ರಿಲೀಸ್‌ ಆಗಿತ್ತು. ಅದೇ ದಿನ ಈ ಸಿನಿಮಾ ತೆಲುಗು ಭಾಷೆಯಲ್ಲೂ ರಿಲೀಸ್‌ ಆಗಬೇಕಿತ್ತು. ಚಿತ್ರತಂಡ ಹೈದರಾಬಾದ್‌, ವಿಜಯವಾಡ ಸೇರಿದಂತೆ ಪ್ರಮುಖ ನಗರಗಳಲ್ಲಿ ಸಂಚರಿಸಿ ಪ್ರಮೋಷನ್‌ ಮಾಡಿದ್ದರು. ತೆಲುಗಿನಲ್ಲಿ ಟೀಸರ್‌, ಟ್ರೈಲರ್‌ ರಿಲೀಸ್‌ ಮಾಡಲಾಗಿತ್ತು. ಆದರೆ ತೆಲುಗಿನಲ್ಲಿ ಅಂದುಕೊಂಡ ದಿನ ರಿಲೀಸ್‌ ಮಾಡಲು ಸಾಧ್ಯವಾಗಲಿಲ್ಲ.
