ಸಿದ್ಲಿಂಗು 2 ಸಿನಿಮಾ ವಿಮರ್ಶೆ; ಹೊಸ ಪ್ರಪಂಚದಲ್ಲಿ ಅದೇ ಹಳೆಯ ಕಾರು

ಹೇಗಿದೆ ‘ಸಿದ್ಲಿಂಗು 2’?

‘ಸಿದ್ಲಿಂಗು 2’ ಒಂದು ಟಿಪಿಕಲ್‍ ವಿಜಯಪ್ರಸಾದ್‍ ಚಿತ್ರ. ಸಾಮಾನ್ಯ ಜನರನ್ನು ಪ್ರತಿನಿಧಿಸುವ ಪಾತ್ರಗಳನ್ನು ಬಹಳ ಆಪ್ತವಾಗಿ ಕಟ್ಟಿಕೊಡುವ ವಿಜಯಪ್ರಸಾದ್‍, ಇಲ್ಲೂ ಅದನ್ನೇ ಮುಂದುವರೆಸಿದ್ದಾರೆ. ಈ ಬಾರಿ ಅವರು ಸೀತಮ್ಮ, ವಿಶಾಲು, ನಿವೇದಿತಾ ಟೀಚರ್‍, ಮಿಣ್‍ಮಿಣಿ, ಹಳೇ ಬೇವರ್ಸಿ, ಲಾಯರ್‍ ಮುಂತಾದ ಹೊಸ ಪಾತ್ರಗಳನ್ನು ಪರಿಚಯಿಸಿದ್ದಾರೆ. ತಾವೇ ಒಂದು ಮುಖ್ಯ ಪಾತ್ರದಲ್ಲೂ ಕಾಣಿಸಿಕೊಂಡಿದ್ದಾರೆ. ಜೊತೆಗೆ ಅಂಡಾಳಮ್ಮ, ಆರ್ಮುಗಂನಂತಹ ಒಂದಿಷ್ಟು ಹಳೆಯ ಪಾತ್ರಗಳನ್ನು ಮುಂದುವರೆಸಿದ್ದಾರೆ. ಅದೆಲ್ಲಕ್ಕಿಂತ ಹೆಚ್ಚಾಗಿ ಇಲ್ಲೂ ಹಳೆಯ ಕಾರು ಮುಂದುವರೆದಿದೆ. ಇವೆರೆಲ್ಲರನ್ನೂ ಇಟ್ಟುಕೊಂಡು ಕಥೆಯನ್ನು ಮುಂದುವರೆಸಿದ್ದಾರೆ.