ಸೋತರೂ ಸ್ಫೋಟಕ ಅರ್ಧಶತಕದೊಂದಿಗೆ ರಾಯುಡು, ರೈನಾ ದಾಖಲೆ ಮುರಿದ ರಹಾನೆ; ಕ್ರಿಸ್​ಗೇಲ್ ರೆಕಾರ್ಡ್ ಸಮ

ಗೇಲ್ ದಾಖಲೆ ಸಮಗೊಳಿಸಿದ ರಹಾನೆ

ಅದೇ ಸಮಯದಲ್ಲಿ, ರಹಾನೆ ವೆಸ್ಟ್ ಇಂಡೀಸ್​ನ ಮಾಜಿ ಬ್ಯಾಟರ್​ ಕ್ರಿಸ್ ಗೇಲ್ ಅವರ ದಾಖಲೆಯನ್ನೂ ಸರಿಗಟ್ಟಿದ್ದಾರೆ. ಐಪಿಎಲ್​ನಲ್ಲಿ ಅತಿ ಹೆಚ್ಚು ಅರ್ಧಶತಕ ಬಾರಿಸಿದ ಆಟಗಾರರ ಪಟ್ಟಿಯಲ್ಲಿ ರಹಾನೆ 10ನೇ ಸ್ಥಾನವನ್ನು ತಲುಪಿದ್ದಾರೆ. ಐಪಿಎಲ್​ನಲ್ಲಿ ಗೇಲ್ 31 ಅರ್ಧಶತಕ ಸಿಡಿಸಿದ್ದು, ರಹಾನೆ ಕೂಡ ಇಷ್ಟೇ ಫಿಫ್ಟಿ ಬಾರಿಸಿ ಸಮಗೊಳಿಸಿದ್ದಾರೆ. ಶ್ರೀಮಂತ ಲೀಗ್​ನಲ್ಲಿ ಅತಿ ಹೆಚ್ಚು ಅರ್ಧಶತಕ ಬಾರಿಸಿದ ದಾಖಲೆ ಡೇವಿಡ್ ವಾರ್ನರ್ ಹೆಸರಿನಲ್ಲಿದೆ. ಆಸ್ಟ್ರೇಲಿಯಾದ ಮಾಜಿ ಆರಂಭಿಕ ಆಟಗಾರ ವಾರ್ನರ್ ಇಂಡಿಯನ್ ಪ್ರೀಮಿಯರ್ ಲೀಗ್​ನಲ್ಲಿ 62 ಅರ್ಧಶತಕ ಗಳಿಸಿದ್ದಾರೆ. ನಂತರದ ಸ್ಥಾನದಲ್ಲಿ ವಿರಾಟ್ ಕೊಹ್ಲಿ ಸ್ಥಾನ ಪಡೆದಿದ್ದು, 56 ಅರ್ಧಶತಕ ಚಚ್ಚಿದ್ದಾರೆ.