18 ಬೌಂಡರಿ, 7 ಸಿಕ್ಸರ್‌, 170 ರನ್ ಚಚ್ಚಿದ ಡೆಲ್ಲಿ ಕ್ಯಾಪಿಟಲ್ಸ್ ಆಟಗಾರ; ರಿಷಭ್ ಪಂತ್ ಬದಲಿಗೆ ಉಳಿಸಿಕೊಂಡ ಕ್ರಿಕೆಟಿಗನ ಅಬ್ಬರ

ಡಿಸೆಂಬರ್​ 21ರ ಶನಿವಾರ ನಡೆದ ವಿಜಯ್ ಹಜಾರೆ ಟ್ರೋಫಿಯಲ್ಲಿ ದೆಹಲಿ ವಿರುದ್ಧ ಅಬ್ಬರಿಸಿ ಬೊಬ್ಬಿರಿದ ಬಂಗಾಳ ಆಟಗಾರ ಅಭಿಷೇಕ್, ಸ್ಮರಣೀಯ ಇನ್ನಿಂಗ್ಸ್ ಆಡಿದರು. ಹೈದರಾಬಾದ್‌ನ ರಾಜೀವ್ ಗಾಂಧಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ದೆಹಲಿ ತಂಡ 7 ವಿಕೆಟ್ ಕಳೆದುಕೊಂಡು 272 ರನ್ ಗಳಿಸಿತು. ಡೆಲ್ಲಿ ಪರ 7ನೇ ಕ್ರಮಾಂಕದಲ್ಲಿ ಬಂದ ವಿಕೆಟ್‌ಕೀಪರ್-ಬ್ಯಾಟ್ಸ್‌ಮನ್ ಅನೂಜ್ ರಾವತ್ ಕೇವಲ 66 ಎಸೆತಗಳಲ್ಲಿ 79 ರನ್‌ ಸಿಡಿಸಿದ್ದು ಗರಿಷ್ಠ ಸ್ಕೋರ್. ಹಿಮ್ಮತ್ ಸಿಂಗ್ 60 ರನ್ ಗಳಿಸಿದರೆ, ವೈಭವ್ ಕಂಡ್ಪಾಲ್ (47), ನಾಯಕ ಆಯುಷ್ ಬದೋನಿ (41) ಕೂಡ ಉಪಯುಕ್ತ ಇನ್ನಿಂಗ್ಸ್ ಆಡಿದರು.