6 ಟಿ20, 2 ಏಕದಿನ ವಿಶ್ವಕಪ್, 25 ಪ್ರಶಸ್ತಿ; ಕ್ರಿಕೆಟ್​​​ನಲ್ಲಿ ಎಲ್ಲಿಸ್ ಪೆರಿ ಮುಟ್ಟಿದ್ದೆಲ್ಲಾ ಚಿನ್ನ, ಎಂಥವರಿಗೂ ಸ್ಫೂರ್ತಿ ಅವರ ಜೀವನ

ಎಲ್ಲಿಸ್ ಪೆರಿ.. ಕ್ರಿಕೆಟ್ ಮತ್ತು ಫುಟ್‌ಬಾಲ್ ವಿಶ್ವಕಪ್‌ಗಳಲ್ಲಿ ಆಸ್ಟ್ರೇಲಿಯಾ ಪರಆಡಿದ ಏಕೈಕ ಆಟಗಾರ್ತಿ. ಎರಡು ವಿಭಿನ್ನ ಕ್ರೀಡೆಗಳಲ್ಲಿ ತನ್ನ ದೇಶ ಪ್ರತಿನಿಧಿಸಿದ ಆಸೀಸ್​ನ ಕೆಲವೇ ಕ್ರೀಡಾಪಟುಗಳಲ್ಲಿ ಒಬ್ಬರು. ಕ್ರಿಕೆಟ್​ಗೆ ನಿವೃತ್ತಿ ಘೋಷಿಸದಿದ್ದರೂ ಲೆಜೆಂಡ್ ಪಟ್ಟ ತನ್ನದಾಗಿಸಿಕೊಂಡಿರುವ ಪೆರಿ, ಬ್ಯಾಟಿಂಗ್, ಬೌಲಿಂಗ್, ಫೀಲ್ಡಿಂಗ್ ಯಾವುದೇ ಇರಲಿ ವಿಶ್ವ ಶ್ರೇಷ್ಠ ಪ್ರದರ್ಶನದ ಮೂಲಕ ಗಮನ ಸೆಳೆಯುತ್ತಾರೆ. ಎಲ್ಲಿಸ್ ಪೆರಿ, ತನ್ನ ವೃತ್ತಿ ಬದುಕಿನಲ್ಲಿ 6 ಟಿ20 ವಿಶ್ವಕಪ್, 2 ಏಕದಿನ ವಿಶ್ವಕಪ್ ಗೆದ್ದಿದ್ದಾರೆ. ಹೀಗೆ ಕ್ರೀಡಾ ಕ್ಷೇತ್ರದಲ್ಲಿ ಸಾಧನೆಗಳ ಸರಮಾಲೆಯನ್ನೇ ಸೃಷ್ಟಿಸಿರುವ ಪೆರಿ (Ellyse Perry Birthday) ಇಂದು (ನವೆಂಬರ್​ 3) ಜನ್ಮದಿನದ ಸಂಭ್ರಮದಲ್ಲಿದ್ದಾರೆ. ಇಂದು ಅವರು 34ನೇ ವರ್ಷಕ್ಕೆ ಕಾಲಿಟ್ಟಿದ್ದಾರೆ.