ಐಸಿಸಿ ಚಾಂಪಿಯನ್ಸ್ ಟ್ರೋಫಿ, ಏಷ್ಯಾಕಪ್ ಸೇರಿ ಹಲವು ಸರಣಿಗಳು; ಭಾರತ ಕ್ರಿಕೆಟ್ ತಂಡದ 2025ರ ಸಂಪೂರ್ಣ ವೇಳಾಪಟ್ಟಿ

ಭಾರತೀಯ ಪುರುಷರ ಕ್ರಿಕೆಟ್ ತಂಡವು ಸದ್ಯ ಆಸ್ಟ್ರೇಲಿಯಾದಲ್ಲಿ ಬಾರ್ಡರ್-ಗವಾಸ್ಕರ್‌ ಟ್ರೋಫಿ ಸರಣಿಯಲ್ಲಿ ಆಡುತ್ತಿದೆ. 2024ರ ವರ್ಷವು, ಟೀಮ್‌ ಇಂಡಿಯಾ ಪಾಲಿಗೆ ಸೋಲು-ಗೆಲುವುಗಳ ಸಮ್ಮಿಶ್ರಣವಿದ್ದ ವರ್ಷ. ಅದರಂತೆಯೇ 2025ರ ವರ್ಷ ಕೂಡಾ ಹಲವು ಮಹತ್ವದ ಟೂರ್ನಿಗಳಲ್ಲಿ ಭಾರತ ತಂಡ ಆಡಲಿದೆ. ಪ್ರಮುಖ ಐಸಿಸಿ ಟೂರ್ನಿ ಚಾಂಪಿಯನ್ಸ್ ಟ್ರೋಫಿಯಲ್ಲಿ ರೋಹಿತ್‌ ಶರ್ಮಾ ಬಳಗ ಆಡಲಿದ್ದು, ಇಂಗ್ಲೆಂಡ್ ವಿರುದ್ಧದ ಸರಣಿ ಸೇರಿದಂತೆ ವಿವಿಧ ಈವೆಂಟ್‌ಗಳಲ್ಲಿ ಭಾಗಿಯಾಗಲಿದೆ. ಕೆರಿಬಿಯನ್ ನಾಡಿನಲ್ಲಿ 2024ರ ಐಸಿಸಿ ಟಿ20 ವಿಶ್ವಕಪ್ ಗೆದ್ದ ನಂತರ, ಈ ವರ್ಷ ಮತ್ತೊಂದು ಐಸಿಸಿ ಕಪ್‌ ಗೆಲ್ಲುವ ಭರವಸೆಯಲ್ಲಿ ಭಾರತ ತಂಡವಿದೆ.