ಹಾಲಿಗೆ ಬಿದ್ದ ನೊಣ ತೆಗೆದಂತೆ ರೋಹಿತ್ ಶರ್ಮಾ ಹೆಸರನ್ನು ತೆಗೆದುಬಿಟ್ಟರಲ್ಲ; ಅಧಿಕೃತ ತಂಡದ ಶೀಟ್​ನಲ್ಲಿ ಹಿಟ್​ಮ್ಯಾನ್ ಹೆಸರು ಕಾಣೆ!

ಹಾಲಿಗೆ ಬಿದ್ದಿರುವ ನೊಣವನ್ನು ಹೇಗೆ ತೆಗೆದು ಬಿಸಾಡುತ್ತಾರೋ, ಅದೇ ರೀತಿ 17 ವರ್ಷಗಳ ಕಾಲ ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಮಿಂಚಿರುವ ರೋಹಿತ್​ ಶರ್ಮಾ ಹೆಸರನ್ನು ಸುಲಭವಾಗಿ ತೆಗೆದು ಹಾಕಲಾಗಿದೆ. ಹೌದು, ಆಸ್ಟ್ರೇಲಿಯಾ ವಿರುದ್ಧದ ಐದನೇ ಮತ್ತು ಅಂತಿಮ ಟೆಸ್ಟ್​ ಪಂದ್ಯದಲ್ಲಿ ಭಾರತ ಆಡುವ 11ರ ಬಳಗದ ಜತೆಗೆ 16 ಸದಸ್ಯರ ಅಧಿಕೃತ ಪಟ್ಟಿಯಲ್ಲಿ ರೋಹಿತ್​ ಶರ್ಮಾ ಹೆಸರು ಕಾಣೆಯಾಗಿದೆ. ಟೀಮ್ ಶೀಟ್‌ನಲ್ಲಿ ಮೀಸಲು ಆಟಗಾರರ ಪಟ್ಟಿಯಲ್ಲೂ ರೋಹಿತ್ ಹೆಸರು ಕಾಣಿಸಿಕೊಂಡಿಲ್ಲ. ಇದು ಪ್ಲೇಯಿಂಗ್ ಇಲೆವೆನ್​ನಿಂದ ಕೈಬಿಟ್ಟಿದ್ದಕ್ಕಿಂತಲೂ ದೊಡ್ಡ ಸದ್ದು ಮಾಡುತ್ತಿದೆ. ತಂಡದ ಸದಸ್ಯರ ಅಧಿಕೃತ ಶೀಟ್ ಇದೀಗ ವೈರಲ್ ಆಗಿದ್ದು, ಆಕ್ರೋಶ ವ್ಯಕ್ತವಾಗಿದೆ.