ಕೋಮಾಗೆ ಜಾರಿದ ಜಾಹ್ನವಿ ಅಜ್ಜಿಯನ್ನು ತನ್ನ ಮನೆಗೇ ಕರೆತಂದ ಜಯಂತ್‌, ಮುಂದೆ ಗತಿಯೇನು? ಲಕ್ಷ್ಮೀ ನಿವಾಸ ಧಾರಾವಾಹಿ

ಕೋಮಾಗೆ ಜಾರಿದ ಜಾಹ್ನವಿ ಅಜ್ಜಿ

ಜಯಂತ್‌, ಮನೆಗೆ ವಾಪಸ್‌ ಬಂದಾಗ ಇದೆಲ್ಲಾ ಹೇಗಾಯ್ತು ಎಂದು ಶ್ರೀನಿವಾಸ್‌ ಕೇಳುತ್ತಾನೆ. ಮನೆ ಕೆಲಸದವರು ಸ್ವಲ್ಪ ದಿನ ಈ ಕಡೆ ಬರುವುದಿಲ್ಲ, ಅವರು ಬಂದರೆ ವಿಚಾರಿಸುವೆ ಎಂದು ಜಯಂತ್‌ ಸುಳ್ಳು ಹೇಳುತ್ತಾನೆ. ಅಷ್ಟರಲ್ಲಿ ಆಸ್ಪತ್ರೆಯಿಂದ ಕರೆ ಬರುತ್ತದೆ, ಎಲ್ಲರೂ ಗಾಬರಿಯಾಗಿ ಅಲ್ಲಿ ಹೋಗುತ್ತಾರೆ. ಏನೋ ಮಾತನಾಡಬೇಕು, ನನ್ನ ಜೊತೆ ಬನ್ನಿ ಎಂದು ಡಾಕ್ಟರ್‌, ಶ್ರೀನಿವಾಸ್‌ಗೆ ಹೇಳುತ್ತಾರೆ. ಅದನ್ನು ಕೇಳಿ ಜಯಂತ್‌ಗೆ ಗಾಬರಿ ಆಗುತ್ತದೆ, ಇವರು ನನ್ನ ಹೆಣ್ಣು ಮಕ್ಕಳು ಹಾಗೂ ಅಳಿಯಂದಿರು. ಇವರ ಎದುರಿಗೆ ನೀವು ಹೇಳಿ ಎಂದು ಶ್ರೀನಿವಾಸ್‌ ಹೇಳುತ್ತಾರೆ. ಹಾಗಾದರೆ ನೀವು ಹಾಗೂ ಹೆಣ್ಣು ಮಕ್ಕಳು ಒಳಗೆ ಬನ್ನಿ, ಅಳಿಯಂದಿರು ಇಲ್ಲೇ ಇರಲಿ ಎಂದು ಡಾಕ್ಟರ್‌, ಎಲ್ಲರನ್ನೂ ಒಳಗೆ ಕರೆದುಕೊಂಡು ಹೋಗುತ್ತಾರೆ.