ಕೆಎಲ್ ರಾಹುಲ್​​ಗೆ ಬೆರಳಿಗೆ ಗಾಯ, ಆತಂಕದಲ್ಲಿ ಭಾರತ ತಂಡ; ಕನ್ನಡಿಗನ ಸ್ಥಾನ ತುಂಬಬಲ್ಲ ಮೂವರು ಆಟಗಾರರು ಇವರೇ

ರಾಹುಲ್ ಸ್ಥಾನ ತುಂಬಬಲ್ಲ ಮೂವರು ಆಟಗಾರರು

ಒಂದು ವೇಳೆ ಕೆಎಲ್ ರಾಹುಲ್ ಇಂಜುರಿಯಾಗಿ ಸರಣಿಯಿಂದ ಹೊರಬಿದ್ದರೆ, ಅವರ ಸ್ಥಾನ ತುಂಬಲು ಪೈಪೋಟಿ ನಡೆಸುತ್ತಿದ್ದಾರೆ. ಮಧ್ಯಮ ಕ್ರಮಾಂಕದಿಂದ ರೋಹಿತ್​​ ಸ್ಥಾನಕ್ಕೆ ಮರಳಿದರೆ, ರಾಹುಲ್ ಸ್ಥಾನವನ್ನು ಧ್ರುವ್ ಜುರೆಲ್ ತುಂಬಬಹುದು. ಈ ಹಿಂದೆ ಅವರ ಸ್ಥಾನ ನಿಭಾಯಿಸಿ ಸಂಪೂರ್ಣ ಯಶಸ್ಸು ಕಂಡಿದ್ದಾರೆ. ಮತ್ತೊಬ್ಬ ಆಟಗಾರ ಸರ್ಫರಾಜ್ ಖಾನ್ ತವರಿನಲ್ಲಿ ಟೀಮ್ ಇಂಡಿಯಾ ಪರ ಕೊನೆಯದಾಗಿ ಆಡಿದ್ದರು. ಇದೀಗ ಮತ್ತೆ ಅವಕಾಶಕ್ಕಾಗಿ ಕಾಯುತ್ತಿದ್ದಾರೆ. ಎಲ್ಲಾ ಆಸ್ಟ್ರೇಲಿಯನ್ ಪಿಚ್‌ಗಳಲ್ಲಿ ಎಂಸಿಜಿ ಮತ್ತು ಎಸ್​​ಸಿಜಿ ಅವರ ಬ್ಯಾಟಿಂಗ್ ಶೈಲಿಗೆ ಹೊಂದುತ್ತದೆ. ಭಾರತದ ಪರ ಆಕ್ರಮಣಕಾರಿ ಆಟವನ್ನು ಅವರು ಆಡಲಿದ್ದಾರೆ. ಅಭಿಮನ್ಯು ಈಶ್ವರನ್ ಸಹ ರಾಹುಲ್​ ಸ್ಥಾನ ತುಂಬಲು ಸಮರ್ಥರಿದ್ದಾರೆ. ಆ ಮೂಲಕ ಚೊಚ್ಚಲ ಅವಕಾಶಕ್ಕೆ ಕಾತರದಿಂದ ಕಾಯುತ್ತಿದ್ದಾರೆ. ಅಭಿಮನ್ಯು ಈಗಾಗಲೇ ಅದ್ಭುತ ಪ್ರದರ್ಶನ ಮೂಲಕ ಗಮನ ಸೆಳೆದಿದ್ದಾರೆ. ಆದರೆ ಯಾರಿಗೆ ಅವಕಾಶ ಸಿಗುತ್ತದೆ ಎಂಬುದು ಕುತೂಹಲ ಮೂಡಿಸಿದೆ.