ಶಬರಿಮಲೆ ಮಂಡಲಪೂಜೆ ವರ್ಚುವಲ್ ಕ್ಯೂ ಕೋಟಾಕ್ಕೆ ಮಿತಿ ಹೇರಿದ ತಿರುವಾಂಕೂರು ದೇವಸ್ವಂ ಬೋರ್ಡ್‌, ಮಕರ ಜ್ಯೋತಿ ಉತ್ಸವಕ್ಕೂ ಭಕ್ತರ ಸಂಖ್ಯೆಗೆ ಮಿತಿ

ಮನೋರಮಾ ನ್ಯೂಸ್ ವರದಿ ಪ್ರಕಾರ, ಡಿಸೆಂಬರ್ 30 ರಂದು ಮಕರವಿಳಕ್ಕು ಉತ್ಸವಕ್ಕಾಗಿ ದೇವಾಲಯವು ಮತ್ತೆ ತೆರೆಯಲಿದೆ. ಈ ಅವಧಿಯಲ್ಲಿ ಜನಸಂದಣಿಯನ್ನು ನಿರ್ವಹಿಸಲು, ದೇವಸ್ವಂ ಬೋರ್ಡ್ ಜನವರಿ 12 ರಿಂದ 14, 2025 ರವರೆಗೆ ಹೆಚ್ಚುವರಿ ನಿರ್ಬಂಧಗಳನ್ನು ಹೇರುವುದಾಗಿ ಹೇಳಿದೆ. ಜನವರಿ 12 ರಂದು ಗರಿಷ್ಠ 60,000 ಯಾತ್ರಾರ್ಥಿಗಳಿಗೆ ಅವಕಾಶ ನೀಡಲಾಗುತ್ತದೆ. ಆದರೆ ಜನವರಿ 13 ಮತ್ತು 14 ರಂದು ಕ್ರಮವಾಗಿ 50,000 ಮತ್ತು 40,000 ಯಾತ್ರಿಗಳಿಗೆ ಮಾತ್ರವೇ ಅಯ್ಯಪ್ಪ ಸನ್ನಿದಾನದಲ್ಲಿ ಇರಲು ಅನುಮತಿ ನೀಡಲಾಗುತ್ತದೆ. ಜನವರಿ 14 ರಂದು ನಡೆಯುವ ಮಕರ ಜ್ಯೋತಿಯನ್ನು ವೀಕ್ಷಿಸಲು ಸಾವಿರಾರು ಭಕ್ತರು ದೇಗುಲಕ್ಕೆ ಭೇಟಿ ನೀಡುವ ನಿರೀಕ್ಷೆಯಿದೆ.