ತಿರುಮಲದಲ್ಲಿ ಫೆಬ್ರುವರಿ ತಿಂಗಳ ಆರ್ಜಿತ ಸೇವಾ ನೋಂದಣಿ ನಾಳೆಯಿಂದ ಆರಂಭ; ಸಮಯ, ಕೊನೆಯ ದಿನ ಯಾವಾಗ ನೋಡಿ

ತಿರುಮಲ: ತಿರುಪತಿ ತಿರುಮಲದಲ್ಲಿ ಶ್ರೀ ವೆಂಕಟೇಶ್ವರ ಸ್ವಾಮಿಯ ಆರ್ಜಿತ ಸೇವೆಯ ನೋಂದಣಿಗೆ ನಾಳೆಯಿಂದ ಮೂರು ದಿನಗಳ ಅವಕಾಶ ನೀಡಲಾಗಿದೆ. ಟಿಟಿಡಿಯು 2025ರ ಫೆಬ್ರವರಿ ತಿಂಗಳಿಗೆ ಆನ್‌ಲೈನ್ ಕೋಟಾ ಬಿಡುಗಡೆ ಮಾಡಿದ್ದು, ಆರ್ಜಿತ ಸೇವೆಯ ಎಲೆಕ್ಟ್ರಾನಿಕ್ ಡಿಪ್ ನೋಂದಣಿ ನವೆಂಬರ್ 18ರಂದು ಬೆಳಗ್ಗೆ 10 ಗಂಟೆಯಿಂದ ಆರಂಭವಾಗಲಿದೆ. ಲಕ್ಕಿ ಡಿಪ್ ಟಿಕೆಟ್‌ಗಳನ್ನು ನವೆಂಬರ್ 18ರ ಸೋಮವಾರ ಬೆಳಗ್ಗೆ 10ರಿಂದ ನವೆಂಬರ್ 20ರ ಬೆಳಿಗ್ಗೆ 10ರವರೆಗೆ ಟಿಕೆಟ್‌ ನೀಡಲಾಗುವುದು. ಆ ಬಳಿಕ ನವೆಂಬರ್ 20ರಂದು ಮಧ್ಯಾಹ್ನ 2 ಗಂಟೆ ವೇಳೆಗೆ ಫಲಿತಾಂಶ ಪ್ರಕಟಿಸಲಾಗುತ್ತದೆ. ಮೂರು ದಿನ ನೋಂದಣಿಗೆ ಅವಕಾಶ ಸಿಗಲಿದೆ.