Year Ender 2024: ಹಾಕಿದ ಹಣ ವಾಪಸ್ಸು ಬಂದರೆ ಅದೇ ಲಾಭ; ಮಿಕ್ಕಂತೆ ಲಾಭದ ಪ್ರಶ್ನೆಯೇ ಇಲ್ಲ
ಮೇಲೆ ಹೇಳಿದ ಯಾವುದೇ ಚಿತ್ರವೂ ಬಾಕ್ಸ್ ಆಫೀಸ್‍ವೊಂದರಲ್ಲಿ ದೊಡ್ಡ ಗಳಿಕೆ ಮಾಡಿದವು, ಲಾಭ ಕಂಡವು ಎಂದರೆ ತಪ್ಪಾದೀತು. ಈ ಐದೂ ಚಿತ್ರಗಳಲ್ಲಿ ಯಾವುದೋ ದೊಡ್ಡ ಯಶಸ್ಸು ಅಥವಾ ಲಾಭ ಕಂಡಂತಹ ಚಿತ್ರಗಳು ಎಂದು ಹೇಳಲಾಗದು ಏಕೆಂದರೆ, ಮೇಲಿನ ಐದು ಚಿತ್ರಗಳು ದೊಡ್ಡ ಬಜೆಟ್‍ನ ಚಿತ್ರಗಳಾಗಿದ್ದವು. ಎಲ್ಲದರ ಬಜೆಟ್‍ 15ರಿಂದ 20 ಕೋಟಿ ರೂ. ಮೀರಿವೆ. ಬಾಕ್ಸ್ ಆಫೀಸ್‍ ಗಳಿಕೆಯಿಂದ ಅರ್ಧ ದುಡ್ಡು ಬಂದಂತಾಗುತ್ತದೆ. ಮಿಕ್ಕ ಹಣವು ಸ್ಯಾಟಿಲೈಟ್‍, ಡಿಜಿಟಲ್‍ ಮತ್ತು ಡಬ್ಬಿಂಗ್‍ ಹಕ್ಕುಗಳಿಂದ ಬರಬೇಕು. ಅಲ್ಲಿಂದ ಬರುವ ಹಣ ಮಿಕ್ಕ ಬಂಡವಾಳವನ್ನು ತೂಗಿಸಿ, ಆ ನಂತರ ಲಾಭ ಕಾಣಬೇಕು. ಈ ವರ್ಷ ಸ್ಯಾಟಿಲೈಟ್‍ ಮತ್ತು ಡಿಜಿಟಲ್‍ ಮಾರುಕಟ್ಟೆ ಹೇಗಿತ್ತು ಎಂದು ಗೊತ್ತೇ ಇದೆ. ಟಿವಿ ಚಾನಲ್‍ಗಳು ಮತ್ತು ಓಟಿಟಿಯವರು ಚಿತ್ರದ ಹಕ್ಕುಗಳನ್ನು ಕೊಳ್ಳುವುದನ್ನು ಬಹುತೇಕ ನಿಲ್ಲಿಸಿದ್ದರು. ಹಾಗಾಗಿ, ಈ ಐದು ಚಿತ್ರಗಳು ದೊಡ್ಡ ಲಾಭ ನೋಡುವುದಕ್ಕೆ ಸಾಧ್ಯವಿಲ್ಲ. ಹಾಕಿದ ಬಂಡವಾಳ ಸರಿದೂಗುವುದರ ಜೊತೆಗೆ ಒಂದೆರಡು ಕೋಟಿ ಲಾಭ ಬಂದರೆ, ಅದೇ ಹೆಚ್ಚು ಎನ್ನುವ ಪರಿಸ್ಥಿತಿ ಇದೆ. ಹಾಗಾಗಿ, ಈ ವರ್ಷ ಕನ್ನಡದಲ್ಲಿ ದೊಡ್ಡ ಲಾಭ ಕಂಡ ಚಿತ್ರಗಳು ಸಿಗುವುದು ಕಷ್ಟ. ಮೊದಲೇ ಹೇಳಿದಂತೆ, ಹಾಕಿದ ಹಣ ವಾಪಸ್ಸು ಬಂದರೆ ಅದೇ ಲಾಭ ಎನ್ನುವಂತಾಗಿದೆ.
