ಕೆಎಲ್ ರಾಹುಲ್ ಬೆನ್ನಲ್ಲೇ ರೋಹಿತ್​ ಶರ್ಮಾ ಮೊಣಕಾಲಿಗೆ ಗಾಯ; ಅರ್ಧಕ್ಕೆ ನಿಲ್ಲಿಸಿದ ಅಭ್ಯಾಸ, ಭಾರತ ತಂಡಕ್ಕೆ ಹೆಚ್ಚಿದ ಚಿಂತೆ

ಐಸ್ ಪ್ಯಾಕ್ ಹಾಕಿಕೊಂಡು ಕುಳಿತ ರೋಹಿತ್

ಮೆಲ್ಬೋರ್ನ್ ಕ್ರಿಕೆಟ್ ಮೈದಾನದಲ್ಲಿ ಬೆವರು ಹರಿಸಲು ಆರಂಭಿಸಿದ ಭಾರತಕ್ಕೆ ಕೆಟ್ಟ ಸುದ್ದಿ ಸಿಕ್ಕಿದ್ದು, 2ನೇ ಅವಧಿಯ ನೆಟ್​ ಸೆಷನ್​​ನಲ್ಲಿ ಹಿಟ್​ಮ್ಯಾನ್ ಗಾಯಗೊಂಡಿದ್ದಾರೆ ಎಂದು ಟೈಮ್ಸ್ ಆಫ್ ಇಂಡಿಯಾ ವರದಿ ಮಾಡಿದೆ. ಥ್ರೋಡೌನ್ ಸ್ಪೆಷಲಿಸ್ಟ್ ದಯಾರನ್ನು ಎದುರಿಸುತ್ತಿದ್ದ ವೇಳೆ ಅವರ ಎಡ ಮೊಣಕಾಲಿಗೆ ಗಾಯವಾಗಿದೆ. ಇದರ ಹೊರತಾಗಿ ಭಾರತ ತಂಡದ ನಾಯಕ ಸ್ವಲ್ಪ ಹೊತ್ತು ಬ್ಯಾಟಿಂಗ್ ಮಾಡಲು ಯತ್ನಿಸಿದರು. ಆದರೆ, ನೋವು ತಡೆಯಲಾಗದೆ ಅಭ್ಯಾಸ ನಿಲ್ಲಿಸಿದರು. ತಕ್ಷಣವೇ ಗಾಯದ ಜಾಗಕ್ಕೆ ರೋಹಿತ್ ಐಸ್ ಪ್ಯಾಕ್ ಹಾಕಿಕೊಂಡು ಕುರ್ಚಿಯ ಮೇಲೆ ಕುಳಿತು ಬಿಟ್ಟರು. ಈ ವೇಳೆ ತಂಡದ ಫಿಸಿಯೋ ಕೂಡ ಜೊತೆಗಿದ್ದರು. ವರದಿ ಪ್ರಕಾರ, ಈ ಗಾಯವು ತುಂಬಾ ಗಂಭೀರವಾಗಿಲ್ಲ.