ಮೂಲ ಬೆಲೆ 30 ಲಕ್ಷದಿಂದ 6 ಕೋಟಿ ಜಾಕ್​ಪಾಟ್​ನೊಂದಿಗೆ ಆರ್​ಸಿಬಿ ಪಾಲಾದ ರಸಿಖ್ ಸಲಾಮ್ ದಾರ್ ಯಾರು?

ಇಂಡಿಯನ್ ಪ್ರೀಮಿಯರ್ ಲೀಗ್​ 2025 ಮೆಗಾ ಹರಾಜಿನಲ್ಲಿ ಜಮ್ಮು ಮತ್ತು ಕಾಶ್ಮೀರದ ಯುವ ವೇಗಿ ರಸಿಖ್ ಸಲಾಮ್ ದಾರ್​ ಅವರನ್ನು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಬರೋಬ್ಬರಿ 6 ಕೋಟಿ ರೂಪಾಯಿಗೆ ಖರೀದಿಸಿದೆ.​ 30 ಲಕ್ಷ ರೂಪಾಯಿ ಮೂಲ ಬೆಲೆಯಲ್ಲಿ ಆಕ್ಷನ್ ಪೂಲ್ ಪ್ರವೇಶಿಸಿದ 24 ವರ್ಷದ ಅನ್​ಕ್ಯಾಪ್ಡ್​ ಪ್ಲೇಯರ್ ಖರೀದಿಗೆ ಆರ್​ಸಿಬಿ ಮತ್ತು ಸನ್‌ರೈಸರ್ಸ್ ಹೈದರಾಬಾದ್ ಜಿದ್ದಿಗೆ ಬಿದ್ದು ಪೈಪೋಟಿ ನಡೆಸಿದವು. ಉಭಯ ಫ್ರಾಂಚೈಸಿಗಳು ರಸಿಖ್ ದಾರ್​ ಖರೀದಿಗೆ ಪ್ರಬಲ ಪೈಪೋಟಿ ನೀಡಿದವು. ಡೆಲ್ಲಿ ಕ್ಯಾಪಿಟಲ್ಸ್ ತಮ್ಮ ರೈಟ್-ಟು ಮ್ಯಾಚ್ (ಆರ್‌ಟಿಎಂ) ಬಳಸಲು ನಿರ್ಧರಿಸಿತು. ಆದರೆ, ಆರ್​ಸಿಬಿ ರಸಿಖ್​ ಬೆಲೆ 6 ಕೋಟಿಗೆ ನಿಗದಿಪಡಿಸಿದ ಕಾರಣ ಡೆಲ್ಲಿ ಹಿಂದೆ ಸರಿಯಿತು.