ರಾಜಸ್ಥಾನ ರಾಯಲ್ಸ್‌ಗೆ ದೊಡ್ಡ ಹೊಡೆತ, ಐಪಿಎಲ್​ಗೂ ಮುನ್ನ ಸಂಜು ಸ್ಯಾಮ್ಸನ್ ಬೆರಳು ಮುರಿತ, ರಣಜಿಗೆ ಅಲಭ್ಯ; ವರದಿ

‘ಸ್ಯಾಮ್ಸನ್ ಅವರ ಬಲ ತೋರು ಬೆರಳಿಗೆ ಮೂಳೆ ಮುರಿತವಾಗಿದೆ. ಐದರಿಂದ ಆರು ವಾರಗಳ ಕಾಲ ಎನ್​ಸಿಎನಲ್ಲಿ ವೈದ್ಯಕೀಯ ಚಿಕಿತ್ಸೆ ಪಡೆಯಲಿದ್ದಾರೆ. ಆದ್ದರಿಂದ ಫೆಬ್ರವರಿ 8 ರಿಂದ ಪುಣೆಯಲ್ಲಿ ಕೇರಳ ತಂಡದ ಪರ (ಜಮ್ಮು-ಕಾಶ್ಮೀರ ವಿರುದ್ಧ) ರಣಜಿ ಟ್ರೋಫಿ ಕ್ವಾರ್ಟರ್-ಫೈನಲ್​ನಲ್ಲಿ ಸಂಜು ಆಡುವುದು ಅನುಮಾನ’ ಎಂದು ಬಿಸಿಸಿಐ ಮೂಲವೊಂದು ಪಿಟಿಐಗೆ ತಿಳಿಸಿದೆ. ಆದರೆ, ಐಪಿಎಲ್​ನಲ್ಲಿ ರಾಜಸ್ಥಾನ್ ರಾಯಲ್ಸ್‌ ಪರ ಆಡಲು ಪುನರಾಗಮನ ಮಾಡಬಹುದು ಎಂದು ಇದೇ ಮೂಲಗಳು ತಿಳಿಸಿವೆ. ಒಂದು ವೇಳೆ ಗಾಯದ ಪ್ರಮಾಣ ಗಂಭೀರವಾಗಿದ್ದರೆ, ಚಿಕಿತ್ಸೆಯ ಸಮಯ ವಿಸ್ತರಿಸಿದರೂ ಅಚ್ಚರಿ ಇಲ್ಲ.