ಸಚಿನ್ ತೆಂಡೂಲ್ಕರ್ ಟೀಕಿಸೋ ವ್ಯಕ್ತಿ ಇದ್ದರೆ ವಿನೋದ್ ಕಾಂಬ್ಳಿ ಮಾತ್ರ; ಆತ್ಮೀಯನ ಕ್ಯಾರೆಕ್ಟರ್ ಬಹಿರಂಗ

ಎರಡು ದಶಕಗಳಿಗೂ ಹೆಚ್ಚು ಕಾಲ ಜೊತೆಯಾಗಿ ಆಡಿ, ಕ್ರಿಕೆಟ್ ಲೋಕದಲ್ಲಿ ಮನೆಮಾತಾಗಿದ್ದ ಗೆಳೆಯರು ವಿನೋದ್ ಕಾಂಬ್ಳಿ ಮತ್ತು ಸಚಿನ್ ತೆಂಡೂಲ್ಕರ್. 10 ವರ್ಷದವರಿದ್ದಾಗಿನಿಂದ ಒಬ್ಬರನ್ನೊಬ್ಬರು ಪರಸ್ಪರ ಅರ್ಥ ಮಾಡಿಕೊಂಡು, ಆತ್ಮೀಯ ಸ್ನೇಹಿತರಾಗಿ ಬೆಳೆದವರು ಕ್ರಿಕೆಟ್‌ ದೇವರು ಮತ್ತು ಕಾಂಬ್ಳಿ. ಆದರೆ, ಇತ್ತೀಚೆಗೆ ಕಾಂಬ್ಳಿ ಬದುಕಿನಲ್ಲಿ ಏನೇನಾಗಿದೆ ಎಂಬುದರ ಕುರಿತು ಅರಿಯದರು ಕಡಿಮೆ. ಒಬ್ಬರು ಕ್ರಿಕೆಟ್‌ ಲೋಕವನ್ನೇ ಆಳಿ, ಕ್ರಿಕೆಟ್‌ ದೇವರು ಎನಿಸುವಂಥ ದಿಗ್ಗಜನಾಗಿ ಮೆರೆದರೆ, ಇನ್ನೊಬ್ಬರು ಹೇಳಹೆಸರಿಲ್ಲದಂತೆ ಆಗಿಬಿಟ್ಟರು. ಕಾಂಬ್ಳಿ ಬದುಕಿನಲ್ಲಿ ಆದ ಹಿನ್ನಡೆಗೆ ಕಾಂಬ್ಳಿಯೇ ಕಾರಣ ಎಂದರೆ ತಪ್ಪಾಗಲಾರದು.