ಭಾರ್ತಿ ಏರ್‌ಟೆಲ್‌ನ ವಾರ್ಷಿಕ ಮೊಬೈಲ್‌ ರೀಚಾರ್ಜ್‌ ಪ್ಲ್ಯಾನ್‌ಗಳಲ್ಲಿ ಯಾವುದು ಉತ್ತಮ? ಇಲ್ಲಿದೆ 3 ಆಯ್ಕೆ
3999 ರೂಪಾಯಿಯ ಏರ್‌ಟೆಲ್‌ ವಾರ್ಷಿಕ ಯೋಜನೆ
ವಾರ್ಷಿಕ ಪ್ಲ್ಯಾನ್‌ಗಳಲ್ಲಿ ಹೆಚ್ಚು ದರದ ಮತ್ತು ಹೆಚ್ಚು ಆಫರ್‌ಗಳು ಇರುವ ಏರ್‌ಟೆಲ್‌ ಪ್ಲ್ಯಾನ್‌ ಇದಾಗಿದೆ. ಈ ಪ್ಲ್ಯಾನ್‌ನಲ್ಲಿ ಪ್ರತಿದಿನಕ್ಕೆ 2.5 ಜಿಬಿ ಡೇಟಾ ನೀಡಲಾಗುತ್ತದೆ. ಅನಿಯಮಿತ ಕರೆ ಮತ್ತು ಪ್ರತಿದಿನಕ್ಕೆ 100 ಎಸ್‌ಎಂಎಸ್‌ ಉಚಿತವಾಗಿ ದೊರಕುತ್ತದೆ. ಪ್ಲ್ಯಾನ್‌ನ ವ್ಯಾಲಿಡಿಟಿ 365 ದಿನಗಳು. ಪ್ರತಿದಿನದ ಡೇಟಾ ಮಿತಿ ಖಾಲಿಯಾದಗ ಇಂಟರ್‌ನೆಟ್‌ ಸ್ಪೀಡ್‌ 64 ಕೆಬಿಪಿಎಸ್‌ಗೆ ಇಳಿಯುತ್ತದೆ. 5ಜಿ ನೆಟ್‌ವರ್ಕ್‌ ಇರುವ ಪ್ರದೇಶಗಳಲ್ಲಿ ಗ್ರಾಹಕರು ಅನಿಯಮಿತ 5 ಜಿ ಡೇಟಾ ಎಂಜಾಯ್‌ ಮಾಡಬಹುದು ಎಂದು ಏರ್‌ಟೆಲ್‌ ತಿಳಿಸಿದೆ. 499 ರೂಪಾಯಿ ಮೌಲ್ಯದ ಒಂದು ವರ್ಷದ ಡಿಸ್ನಿ ಪ್ಲಸ್‌ ಹಾಟ್‌ ಸ್ಟಾರ್‌ ಮೊಬೈಲ್‌ ಚಂದಾದಾರಿಕೆಯೂ ಈ ಆಫರ್‌ನೊಂದಿಗೆ ದೊರಕುತ್ತದೆ. ಒಟಿಟಿಯಲ್ಲಿ ಸಿನಿಮಾ, ವೆಬ್‌ ಸರಣಿ ಅಥವಾ ಇತರೆ ಕಂಟೆಂಟ್‌ಗಳನ್ನು ನೋಡಲು ಬಯಸುವವರಿಗೆ ಇದು ಪ್ರಯೋಜನಕಾರಿ. ಇದರೊಂದಿಗೆ ಏರ್‌ಟೆಲ್‌ ಎಕ್ಸ್‌ಟ್ರೀಮ್‌ ಅಪ್ಲಿಕೇಷನ್‌ನ ಉಚಿತ ಕಂಟೆಂಟ್‌ಗಳನ್ನೂ ಪಡೆಯಬಹುದು. ಮೂರು ತಿಂಗಳ ವ್ಯಾಲಿಡಿಟಿಯ ಅಪೊಲೊ 24ಬೈ7 ಮೆಂಬರ್‌ಷಿಪ್‌ ಕೂಡ ದೊರಕುತ್ತದೆ. ಉಚಿತ ಹೆಲೋಟ್ಯೂನ್‌ಗಳು, ಎಐ ಚಾಲಿತ ಸ್ಪ್ಯಾಮ್‌ ಸಂದೇಶ, ಕರೆಗಳ ಮೇಲೆ ನಿಗಾ ವಹಿಸುವ ಫೀಚರ್‌ಗಳು ದೊರಕುತ್ತವೆ. ವರ್ಷಕ್ಕೆ 3999 ರೂಪಾಯಿ ಎಂದರೆ ನಿಮಗೆ ತಿಂಗಳಿಗೆ 333 ರೂಪಾಯಿ ಖರ್ಚಾಗುತ್ತದೆ ಎಂದುಕೊಳ್ಳಬಹುದು.
