ವನಿತೆಯರನ್ನು ಬಿಡದೆ ಕಾಡಿದ ಆರ್‌ಸಿಬಿ ಆಟಗಾರ್ತಿ; ಭಾರತ ವಿರುದ್ಧ 76 ರನ್‌ಗಳಿಂದ ಗೆದ್ದ ನ್ಯೂಜಿಲೆಂಡ್, ಸರಣಿ ಸಮಬಲ

ರಾಧಾ ಯಾದವ್‌ ಮತ್ತು ಸೈಮಾ ಠಾಕೂರ್‌ ಜೊತೆಯಾಟ

ಅದಕ್ಕೂ ಮೊದಲು ಯಾಸ್ತಿಕಾ ಭಾಟಿಯಾ 12 ರನ್‌ ಗಳಿಸಿ ಔಟಾದರೆ, ನಾಯಕಿ ಕೌರ್ 24 ಮತ್ತು ಜೆಮಿಮಾ ರೋಡ್ರಿಗಸ್ 17 ರನ್‌ ಗಳಿಸಿ ಔಟಾದರು. ತೇಜಲ್ ಹಸಬ್ನಿಸ್ 15 ರನ್‌ ಗಳಿಸಿದರೆ, ದೀಪ್ತಿ ಶರ್ಮಾ ಆಟ 15ಕ್ಕೆ ಅಂತ್ಯವಾಯ್ತು. ತಂಡ 8 ವಿಕೆಟ್‌ ಕಳೆದುಕೊಂಡು ಅಲ್ಪಮೊತ್ತಕ್ಕೆ ಆಲೌಟ್‌ ಆಗುವ ಭೀತಿಯಲ್ಲಿದ್ದಾಗ ಒಂದು ಹಂತದಲ್ಲಿ ರಾಧಾ ಯಾದವ್‌ ಮತ್ತು ಸೈಮಾ ಠಾಕೂರ್‌ ಉತ್ತಮ ಪ್ರತಿರೋಧವೊಡ್ಡಿದರು. ಕಿವೀಸ್‌ ಅನುಭವಿಗಳನ್ನು ಸಮರ್ಥವಾಗಿ ಎದುರಿಸಿ 70 ರನ್‌ಗಳ ಆಕರ್ಷಕ ಜೊತೆಯಾಟವಾಡಿದರು. ಇವರ ಆಟದ ನೆರವಿಂದ ತಂಡದ ಮೊತ್ತ 150ರ ಗಡಿ ದಾಟಿತು. ಆದರೆ ಕೆರ್ ಮತ್ತು ಸೋಫಿ ಡಿವೈನ್ ಮತ್ತೆ ಮ್ಯಾಜಿಕ್‌ ಮಾಡಿ ಇಬ್ಬರ ವಿಕೆಟ್‌ ಕಬಳಿಸಿದರು. ಭಾರತ ತಂಡವು 47.1 ಓವರ್‌ಗಳಲ್ಲಿ 183 ರನ್‌ಗೆ ಆಲೌಟ್‌ ಆಗುವುದರೊಂದಿಗೆ ಸೋಲು ಒಪ್ಪಿಕೊಂಡಿತು.